გაზიფიცირების სახელმწიფო პროგრამის ფარგლებში, დუშეთის მუნიციპალიტეტის 15 სოფელში საპროექტო სამუშაოები მიმდინარეობს.

გაზიფიცირებისთვის საჭირო საპროექტო სამუშაოები ხორციელდება სოფლებში -

ახალი ტონჩა, ჭილურტი, უნდილაანთკარი, წიწამურა, ლაფანაანთკარი, მაღრანი, ხევშა, ჭიკაანი, გვიდაქე, წინამხარი, ვეშაგურნი, უკანამხარი, სეფე, ლაკათხევი და ციხევდავი.

სამუშაოებს საქართველოს ეკონომიკისა და მდგრადი განვითარების სამინისტროს გაზის ტრანსპორტირების კომპანია ახორციელებს.

„სამუშაოების დასრულების შემდეგ, დუშეთის მუნიციპალიტეტის დიდი ნაწილი დაფარული იქნება გაზგამანაწილებელი ინფრასტრუქტურით. გაზიფიცირებისთვის საჭირო ღონისძიებები მომავალშიც გაგრძელდება და მუნიციპალიტეტის ყველა სოფლის მოსახლეობა შეძლებს ბუნებრივი აირით სარგებლობას.“ - განაცხადა დუშეთის მუნიციპალიტეტის მერმა მაცაცო ნარიმანიძემ.

დუშეთის მუნიციპალიტეტის მერმა მაცაცო ნარიმანიძემ მერის წარმომადგენლებთან სამუშაო შეხვედრა გამართა.

შეხვედრაზე დეტალურად განიხილეს ტერიტორიულ ერთეულებში არსებული ვითარება. იმსჯელეს მოსახლეობის საჭიროებებზე, მიმდინარე ინფრასტრუქტურულ პროექტებსა და სოციალურ საკითხებზე.

მაცაცო ნარიმანიძემ მერის წარმომადგენლებს კოორდინირებული და აქტიური მუშაობის გაგრძელებისკენ მოუწოდა.

სამუშაო შეხვედრას, ასევე, ესწრებოდნენ მუნიციპალიტეტის მერის მოადგილე ოთარ ჩხეიძე და მერიის სხვა თანამშრომლები.

დუშეთის მუნიციპალიტეტის მერმა მაცაცო ნარიმანიძემ, მოადგილე ოთარ ჩხეიძესთან ერთად, ლაფანაანთკარი-დავათის საავტომობილო გზის კეთილმოწყობის პროექტი დაათვალიერა.

“პროექტით გათვალისწინებული სამუშაოების პირველი ნაწილი დასრულებულია. მიმდინარეობს სამუშაოების მეორე ეტაპი, რომელიც უახლოეს მომავალში დასრულდება, " - განაცხადა დუშეთის მუნიციპალიტეტის მერმა მაცაცო ნარიმანიძემ.

პროექტის ფარგლებში, 6 კილომეტრზე მეტი სიგრძის გზაზე მიმდინარეობს ასფალტის საფარის დაგება და სანიაღვრე არხების მოწყობა. სამუშაოების ღირებულება 3 899 000 ლარია.

მცხეთა-მთიანეთის სახელმწიფო რწმუნებულმა ალექსანდრე ზაგაშვილმა და მხარის დელეგატმა დიმიტრი ხუნდაძემ დუშეთის მუნიციპალიტეტის მერთან მაცაცო ნარიმანიძესტან ერთად სოფელ არაგვისპირში საბავშვო ბაღის სამშენებლო სამუშაოები დაათვალიერეს.

ჭონქაძის ადმინისტრაციული ერთეულის სოფელ არაგვისპირში თანამედროვე სტანდარტების შესაბამისი საბავშვო ბაღი შენდება. სკოლამდელი დაწესებულება 50 აღსაზრდელზეა გათვლილი.

პროექტის მიმდინარეობას ასევე გაეცნენ დუშეთის მუნიციპალიტეტის მერის მოადგილე ოთარ ჩხეიძე, საკრებულოს თავმჯდომარე კახაბერ ჩიტაური და ადგილობრივი ხელისუფლების სხვა წარმომადგენლები.

ბაღის მშენებლობას მუნიციპალური განვითარების ფონდი ახორციელებს.