სიახლეები
სიახლეები
ინფრასტრუქტურული სამუშაოები გუდამაყარში
გუდამაყრის ადმინისტრაციულ ერთეულში მიმდინარე ინფრასტრუქტურული პროექტების უმრავლესობა დასრულდა, ხოლო სოფლის მხარდაჭერის პროგრამის ფარგლებში დაგეგმილი სამუშაოები აქტიურ რეჟიმში მიმდინარეობს:

რეგიონებში განსახორციელებილი პროექტების ფონდისა და ადგილობრივი ბიუჯეტის თანადაფინანსებით, რეაბილიტირდა სტიქიის მიერ დაზიანებული მაქართა-ლუთხუბის გზა;
სტიქიის პრევენციის მიზნით გაიწმინდა სოფელ გამსში მდინარის კალაპოტი და მოეწყო ნაპირსამაგრი გაბიონი, რომელიც 7 სოფელს დაიცავს გარესამყაროსგან მოწყვეტისგან.

სოფლის მხარდაჭერის პროგრამის ფარგლებში, ლუთხუბში, კიტოხსა და გამსში დასრულდა გარე-განათების მოწყობის სამუშაოები;
სოფელ კიტოხის გზაზე მოეწყო მგზავრთა მოსაცდელი შენობა;
მიმდინარეობს ჩოხი-დუმაცხოს მოსახლეობისათვის სასმელი წყლის სისტემის მონტაჟი;

სსიპ საგანმანათლებლო და სამეცნიერო ინფრასტრუქტურის განვითარების სააგენტოს მიერ მუნიციპალიტეტების დაფინანსების პროგრამის ფარგლებში, რემონტი ჩაუტარდა სოფელ ზანდუკის საჯარო სკოლას.

სოფელ ჩოხში გაიხსნა გოდერძი ჩოხელის მუზეუმი, რომლის მშენებლობის პროექტი რეგიონებში განსახორციელებელი პროექტების ფონდიდან და ადგილობრივი ბიუჯეტიდან დაფინანსდა.

გუდამაყრის ადმინისტრაციულ ერთეულში მერის წარმომადგენლის მალხაზ წიკლაურის თქმით, უახლოეს მომავალში დასრულდება სოფლის მხარდაჭერის პროგრამის ფარგლებში მიმდინარე სხვა პროექტებიც.
FaceBook Twitter Google