• მთავარი
  • მუნიციპალიტეტი
  • მერია
  • საკრებულო
  • აქტები
  • საჯარო ინფორმაცია
  • კონტაქტი
  • KA EN
    20
    მაისი

    შეხვედრა ნატოსა და ევროკავშირის საინფორმაციო ცენტრის წარმომადგენლებთან

    ✅დუშეთის მუნიციპალიტეტის მერიის, საკრებულოსა და მუნიციპალიტეტის დაქვემდებარებაში მყოფი ა(ა)იპ-ების თანამშრომლებთან, ნატოსა და ევროკავშირის საინფორმაციო ცენტრის წარმომადგენლებმა საინფორმაციო შეხვედრა გამართეს.

    ➡️პროექტის ფარგლებში „დასავლური ინტეგრაციის პროცესის შესახებ ინფორმირებულობისა და ჩართულობის გაზრდა საქართველოს რეგიონებში", მცხეთა-მთიანეთის ბიუროს რეგიონულმა წარმომადგენელმა ყარამან ბერიძემ და სამხედრო ჟურნალისტთა ასოციაციის დამფუძნებელმა, სამხედრო-უსაფრთხოების საკითხების ექსპერტმა გიორგი ცხვიტავამ ადგილობრივი თვითმმართველობის წარმომადგენლებთან საქართველო-ნატოს თანამშრომლობის, არსებული გამოწვევებისა და სამომავლო პერსპექტივების თაობაზე ისაუბრეს.

    🔵შეხვედრას, რომელიც კითხვა-პასუხის რეჟიმში წარიმართა, თანამშრომლებთან ერთად ესწრებოდა დუშეთის მუნიციპალიტეტის მერი მაცაცო ნარიმანიძე.

    🟦აღნიშნული პროექტი მიზნად ისახავს საქართველოს ევროპულ და ევროატლანტიკურ სტრუქტურებში ინტეგრაციის შესახებ საზოგადოების ინფორმირებულობის გაზრდას და აღნიშნულ პროცესში საქართველოს მოქალაქეების ჩართვას.

    19
    მაისი

    ქალაქ დუშეთში ინფრასტრუქტურული სამუშაოები აქტიურად მიმდინარეობს

    ➡️  მიმდინარე პროცესებს დუშეთის მუნიციპალიტეტის მერი მაცაცო ნარიმანიძე მოადგილესთან ოთარ ჩხეიძესთან და კონტრაქტორი კომპანიების წარმომადგენლებთან ერთად ყოველდღიურ რეჟიმში ეცნობა.

    ➡️ ამჯერად, მათ მოინახულეს სპორტკომპლექსში განხორციელებული შიდა სამუშაოები და ქალაქ დუშეთიდან სოფელ ყვავილამდე მისასვლელი ე.წ. ჯორმუხის გზა, სადაც ეგება ასფალტო-ბეტონის საფარი და ეწყობა სანიაღვრე არხები. ასევე, დეტალურად გაეცნენ მილახვრიანთკარის, კობიაანთკარისა და მწითურის ქუჩებზე მიმდინარე საავტომობილო გზების სარეაბილიტაციო სამუშაოებს.

    🔴 "აღნიშნული სამუშაოების დასრულების შემდეგ, უახლოეს მომავალში დაგეგმილია სხვადასხვა მიმართულების პროექტების განხორციელება როგორც ქალაქ დუშეთში, ისე მთლიან მუნიციპალიტეტში" - განაცხადა მაცაცო ნარიმანიძემ.

    13
    მაისი

    ,,ახალგაზრდული მეწარმეობა სოფლის განვითარებისთვის“

    ✔დუშეთის მუნიციპალიტეტის მერიის მხარდაჭერით, დაბა ჟინვალსა და დაბა ფასანაურში მცხოვრები ახალგაზრდებისათვის საერთაშორისო ორგანიზაცია "მერსი კორპსის" პროექტის – ,,ახალგაზრდული მეწარმეობა სოფლის განვითარებისთვის“ პრეზენტაცია გაიმართა.

    ⭕პროექტის ოფიცერმა არჩილ ფოლადაშვილმა დაინტერესებულ ახალგაზრდებს გააცნო მიმდინარე 3 წლიანი პროექტი, რომელიც მიზნად ისახავს ახალგაზრდების სამეწარმეო უნარ-ჩვევებისა და ცოდნის გაღრმავებას, სასოფლო-სამეურნეო და არასასოფლო-სამეურნეო მიმართულებების განვითარებას (მათ შორის აგრო და ეკოტურიზმში), ფინანსებსა და ბაზრებზე ხელმისაწვდომობის ზრდას.

    ⭕ აქტივობების ძირითადი მიმართულება კი ახალგაზრდების სოციალური და ეკონომიკური მონაწილეობა, კეთილდღეობის გაუმჯობესება და მათი სამეწარმეო პოტენციალის ხელშეწყობაა.

    ▶️საინფორმაციო შეხვედრას, რომელიც კითხვა-პასუხის რეჟიმში წარიმართა, ადგილობრივ ახალგაზრდებთან ერთად ესწრებოდნენ პროექტის დირექტორი უჩა ვარამაშვილი, დუშეთის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის, "არაგვის განვითარების ჯგუფის" (LAG) და შესაბამის ადმინისტრაციულ ერთეულში მერის წარმომადგენლები.

    ➡️ცნობისათვის, პროექტით დაინტერესებულ პირებს, აპლიკაციის შევსება 31 მაისამდე შეუძლიათ აღნიშნულ ბმულზე: https://docs.google.com/.../1XAjDpPc0JiEk47fu.../viewform...

    19
    აპრილი

    საკრებულოს რიგგარეშე სხდომა

    ✅19 აპრილს, გიორგი ინაშვილის თავმჯდომარეობით, დუშეთის მუნიციპალიტეტის საკრებულოს რიგგარეშე სხდომა გაიმართა, სადაც საკრებულოს წარმომადგენლებთან ერთად მომხსენებლებად მიწვეულ იქნენ დუშეთის მუნიციპალიტეტის მერის პირველი მოადგილე ვასილ წიკლაური და საფინანსო-საბიუჯეტო სამსახურის ხელმძღვანელი დავით შაბურიშვილი.

    ⏩მერიის წარმომადგენლების მოხსენების შემდეგ, საკრებულოს წევრებმა სხდომაზე განიხილეს და დაამტკიცეს 2022 წლის სოფლის მხარდაჭერის პროგრამის ფარგლებში დუშეთის მუნიციპალიტეტში განსახორციელებელი პროექტების ნუსხა.

    ▶️საკრებულოს თავმჯდომარის მოადგილემ გვანცა ესტატიშვილმა ისაუბრა დუშეთის მუნიციპალიტეტის საკრებულოს გენდერული თანასწორობის საბჭოს შექმნისა და მისი დებულების დამტკიცების შესახებ, რაც 2017 წლის 4 აგვისტოს N26 დადგენილებაში ცვლილების შეტანას ითვალისწინებს.

    ➡️ ხოლო საკრებულოს თავმჯდომარის მოადგილის ელგუჯა უნდილაშვილის ინიციატივით, საკრებულომ იმსჯელა დროებითი სამუშაო ჯგუფის შექმნის თაობაზე , რომელიც საკრებულოს 2021 წლის 3 დეკემბრის N15 დადგენილებაში შესატანი ცვლილებების პაკეტს მოამზადებს საკრებულოს რეგლამენტთან დაკავშირებით.

    სხდომას საკრებულოს დეპუტატებთან ერთად, აგრეთვე ესწრებოდა საკრებულოს თავმჯდომარის პირველი მოადგილე კახაბერ ჩიტაური.

    25
    მარტი

    საკრებულოს სხდომა

    ✅25 მარტს, გიორგი ინაშვილის თავმჯდომარეობით, დუშეთის მუნიციპალიტეტის საკრებულოს სხდომა გაიმართა, სადაც შესაბამისი სამსახურების ხელმძღვანელებთან ერთად, მომხსენებლად მიწვეული იყო დუშეთის მუნიციპალიტეტის მერი მაცაცო ნარიმანიძე.

    ⏩საკრებულოს წევრებმა სხდომაზე განიხილეს ევროკავშირის საერთაშორისო ინიციატივის კლიმატისა და ენერგეტიკის „მერების შეთანხმებასთან” დუშეთის მუნიციპალიტეტის მიერთების მიზანი და საჭიროება, რომელიც ინიცირებულია მაცაცო ნარიმანიძის მიერ;

    ▶️მაცაცო ნარიმანიძემ, აგრეთვე, ისაუბრა საკრებულოს 2017 წლის 9 ივნისის N17 დადგენილებაში „დუშეთის მუნიციპალიტეტის ადმინისტრაციულ საზღვრებში ეკონომიკის რეგულირებად სფეროებად განსაზღვრული M2 და M3 კატეგორიის ავტოსატრანსპორტო საშუალებებით მგზავრთა გადაყვანის სამგზავრო ტარიფების დამტკიცების შესახებ“ ცვლილებისა და დამატების შეტანის საჭიროების თაობაზე;

    ➡️ასევე, საკრებულომ იმსჯელა დუშეთის მუნიციპალიტეტში ადრეული აღზრდისა და განათლების მომსახურების, სკოლამდელი აღზრდისა და განათლების მომსახურების და მხოლოდ სასკოლო მზაობის პროგრამის განმახორციელებელი საჯარო დაწესებულების დირექტორის საკვალიფიკაციო მოთხოვნების თაობაზეც, რის შედეგადაც გადაწყდა დუშეთის მუნიციპალიტეტის საკრებულოს 2018 წლის 24 ოქტომბრის N31 დადგენილებაში შესაბამისი ცვლილებების შეტანა.

    ✅სხვა მნიშვნელოვან საკითხებთან ერთად, აღნიშნულ სხდომაზე, აგრეთვე, დამტკიცდა დუშეთის მუნიციპალიტეტის საკრებულოს 2022 წლის მეორე კვარტლის სამუშაო გეგმა.

    ▶️სხდომას საკრებულოს წევრებთან და აპარატის თანამშრომლებთან ერთად ესწრებოდნენ საკრებულოს თავმჯდომარის მოადგილეები კახაბერ ჩიტაური, გვანცა ესტატიშვილი და ელგუჯა უნდილაშვილი.

    21
    თებერვალი

    25 თებერვალს, 10:30 სთ-ზე, ჩატარდება დუშეთის მუნიციპალიტეტის საკრებულოს სამანდატო, საპროცედურო საკითხთა და ეთიკის კომისიის სხდომა.

    15
    თებერვალი

    16 თებერვალს, 11:00 საათზე, დუშეთის მუნიციპალიტეტის ადმინისტრაციული შენობის სხდომათა დარბაზში გაიმართება საკრებულოს სოციალურ საკითხთა კომისიის სხდომა