• მთავარი
  • მუნიციპალიტეტი
  • მერია
  • საკრებულო
  • აქტები
  • საჯარო ინფორმაცია
  • კონტაქტი
  • KA EN
    18
    აპრილი

    სტიქიის შედეგად დაზიანებული ინფრასტრუქტურის მოწყობა

    გუდამაყრის ადმინისტრაციული ერთეულის ბაკურხევის ხეობაში, სტიქიის შედეგად დაზიანებული ინფრასტრუქტურის სარეაბილიტაციო სამუშაოები უწყვეტ რეჟიმში მიმდინარეობს. აღდგენით სამუშაოებში პირველივე დღიდან ჩართულია ყველა უწყება და სამსახური, ასევე, ადგილობრივი მოსახლეობა. მობილიზებულია ტექნიკა.

    მაღალი გამავლობის ავტომანქანებისა და სპეციალური ტექნიკისთვის მოძრაობა უკვე შსაძლებელია.

    უახლოეს პერიოდში სრულად აღდგება სტიქიის დროს დაზიანებული საგზაო ინფრასტრუქტურა. პარალელურ რეჟიმში მიმდინარეობს მდინარის კალაპოტის გაწმენდა.

    9
    აპრილი

    32 წელი გავიდა 1989 წლის 9 აპრილის ტრაგედიიდან

    32 წელი გავიდა 1989 წლის 9 აპრილის ტრაგედიიდან. ეს დღე საქართველოს ისტორიაში ქართველი ხალხის თავისუფლებისათვის ბრძოლისა და თავგანწირვის სიმბოლოდ იქცა. 1989 წლის 9 აპრილის ტრაგიკული ღამის მოვლენებიდან ზუსტად ორი წლის შემდეგ, 1991 წლის 9 აპრილს საქართველომ სახელმწიფოებრივი დამოუკიდებლობის აღდგენის აქტი მიიღო.

    დღეს, მცხეთა-მთიანეთის სახელმწიფო რწმუნებულმა დავით ნოზაძემ, გუბერნატორის მოადგილემ გოჩა ქავთარაძემ, დუშთის მუნიციპალიტეტის მერმა ზურაბ სეხნიაშვილმა, მერის მოადგილემ ბესიკ ბიჩნიგაურმა და საკრებულოს თავმჯდომარემ გიორგი ინაშვილმა პატივი მიაგეს დაღუპულთა ხსოვნას და გვირგვინით შეამკეს მემორიალი.

    დუშეთის წმინდა ნიკოლოზის საკათედრო ტაძრის მღვდელთმსახურმა, მღვდელ-მონაზონმა მამა გრიგოლ მგელაშვილმა დაღუპულთა სულების მოსახსენიებელი პანაშვილი გადაიხადა.

    26
    მარტი

    ლიეტუვის ელჩის ვიზიტი დუშეთში

     2021 წლის 25 მარტს, საქართველოში ლიეტუვის ელჩი ანდრიუს კალინდრა ეწვია დუშეთის მუნიციპალიტეტს და გაცნობითი შეხვედრა გამართა მუნიციპალიტეტის მერთან ზურაბ სეხნიაშვილთან.
    დუშეთის მუნიციპალიტეტის მერმა ზურაბ სეხნიაშვილმა, მერის მოადგილემ ბესიკ ბიჩნიგაურმა და მუნიციპალიტეტის საკრებულოს თავმჯდომარემ გიორგი ინაშვილმა ელჩს მიმდინარე პროექტების შესახებ მიაწოდეს ინფორმაცია. შეხვედრაზე ისაუბრეს დუშეთის მუნიციპალიტეტში ინვესტიციების განხორციელების შესაძლებლობებზე. ასევე, განიხილეს სამომავლო პერსპექტივები.
    ლიეტუვიუს საელჩოსა და დუშეთის მუნიციპალიტეტს შორის თანამშრომლობა რამდენიმე წელს ითვლის. ლიეტუვის რესპუბლიკის ორ მუნიციპალიტეტთან - შაკიაიასთან და პრიენაისთან, დუშეთის მუნიციპალიტეტს ოფიციალური თანამშრომლობის მემორანდუმი აქვს გაფორმებული. მეგობრობისა და თანამშრომლობის მემორანდუმი მოიცავს კულტურას, განათლებას, სპორტს, ტურიზმს, ბიზნესს და სხვა.
    აღსანიშნავია, რომ 2017 წელს დუშეთში დაარსდა ლიეტუვური კულტურის ცენტრი.
    მუნიციპალიტეტში ჩატარდა არაერთი კულტურული ღონისძიება რომელიც ლიეტუვის მხარემ წარმოადგინა: ფოტო და სამხატვრო გამოფენები, კონცერტები და შემოქმედებითი სემინარები. მიმდინარე წლის ზაფხულში დაგეგმილია ლიეტუვური ფოლკლორული კონცერტი დუშეთში.
    საელჩოსა და დუშეთის მუნიციპალიტეტს შორის თანამშრომლობა გრძელდება და წინ მიიწევს.

    31
    იანვარი

    შეხვედრა მოსახლეობასთან

    მცხეთა-მთიანეთის რეგიონის სახელმწიფო რწმუნებული დავით ნოზაძე, რწმუნებულის მოადგილე მანანა ნარიმანიძე, დუშეთის მუნიციპალიტეტის მერი ზურაბ სეხნიაშვილი და მუნიციპალიტეტის საკრებულოს თავმჯდომარის მოადგილე კახა ჩიტაური სოფელ მენესოს და ჭართალის მოსახლეობას შეხვდნენ.

    მხარის პირველმა პირმა ადგილობრივებისგან მენესოში და ჭართალში ბოლო წლებში განხორციელებული პროექტების და არსებული საჭიროებების შესახებ ინფორმაცია მოისმინა.

    რწმუნებულმა ჭართალში ყოფნის დროს სოფლის საბავშვო ბაღი და საჯარო სკოლა დაათვალიერა. საგანმანათლებლო დაწესებულებებს სარეაბილიტაციო სამუშაოები ცოტა ხნის წინ ჩაუტარდა.

     

    24
    მარტი

    24 მარტს, 17:00 სთ-ზე, მერიის სხდომათა დარბაზში გაიმართება შეხვედრა ახალგაზრდული პროექტების შესახებ