3 დეკემბერი შეზღუდული შესაძლებლობების მქონე პირთა უფლებების დაცვის დღეა.

ამ თარიღთან დაკავშირებით, დუშეთის მუნიციპალიტეტის მერის ახალგაზრდული საბჭოს წევრები საკრებულოს სოციალურ საკითხთა კომისის თავმჯდომარესთან გიორგი ასლამაზიშვილთან და "წითელი ჯვრის" ადგილობრივი ოფისის წარმომადგენლებთან ერთად, დუშეთის შშმ პირთა პანსიონატში იმყოფებოდნენ.

მათ პანსიონატის 47 ბენეფიციარს მუნიციპალიტეტის სახელით სიმბოლური საჩუქრები და ტკბილეული გადასცეს.

აღსანიშნავია, რომ საქართველოს მთავრობამ მიმდინარე წელს დაამტკიცა ადამიანის უფლებათა დაცვის რიგით მეორე ეროვნული სტრატეგია, სადაც განსაკუთრებული მნიშვნელობა ენიჭება შეზღუდული შესაძლებლობის მქონე პირთათვის თანაბარი შესაძლებლობებისა და საზოგადოებრივ ცხოვრებაში სრული ჩართულობის უზრუნველყოფას.