დუშეთის მუნიციპალიტეტის მერიაში მერის ახალგაზრდული მრჩეველთა საბჭოს მიერ გამოცხადებული ესეების კონკურსში მონაწილეთა დაჯილდოება გაიმართა.

კონკურსში მონაწილეობდნენ მჭადიჯვარის, ლამოვანის, ბაზალეთის, ქვეშეთის,არაგვისპირის საჯარო სკოლის IX, X, XI და XII კლასის - 17 მოსწავლე. კონკურსი ეხებოდა ძირითად ოთხ თემატიკას და რვა კონკრეტულ სათაურს მოიცავდა.

კონკურსის ყველა მონაწილეს გადაეცა დიპლომები, ხოლო გამარჯვებულებს - ,, ბიბლუსის’’ ვაუჩერები.

დუშეთის მუნიციპალიტეტის მერმა მაცაცო ნარიმანიძემ ახალგაზრდებს მიულოცა მიღწეული შედეგები და წარმატებები უსურვა. „მნიშვნელოვანია მუნიციპალიტეტის საქმიანობაში ახალგაზრდების ჩართულობა. ჩვენ მხარს ვუჭერთ და ხელს ვუწყობთ ახალგაზრდებს საკუთარი შესაძლებლობების გამოვლენაში და რეალიზებაში“- განაცხადა მაცაცო ნარიმანიძემ.