დუშეთის მუნიციპალიტეტში უხვი ნალექისგან მიყენებული ზიანის აღდგენითი სამუშაოები გრძელდება

დუშეთის მუნიციპალიტეტის მერი მაცაცო ნარიმანიძე, მოადგილეებთან ერთად, სტიქიის ზონაში ამ დრომდე იმყოფება. დაზარალებულ მოსახლეობას პირადად ხვდება და ყველა ღონეს ხმარობს ადგილობრივების დასახმარებლად.

მუნიციპალიტეტის მასშტაბით, იმ ტერიტორიებზე, სადაც უხვმა ნალექმა პრობლემები შექმნა, მობილიზებულია ყველა შესაბამისი უწყება ტექნიკური და ადამიანური რესურსით.