ივნისი
დუშეთის მუნიციპალიტეტის მერი მაცაცო ნარიმანიძე ბაზალეთის ტბაზე გამართულ პირველ საერთაშორისო ენდურენს-დოღს დაესწრო.
ენდურენს-დოღი არის საცხენოსნო გარბენი 45 კილომეტრიან დისტანციაზე, რომელიც დაფუძნებულია კონტროლირებად გრძელ დისტანციურ რბოლაზე და აღიარებულია FEI -ის მიერ, როგორც ერთ-ერთი საერთაშორისო კონკურსი.
საქართველოში ენდურანს დოღი პირველად ჩატარდა.
ღონისძიების ინიციატორები, ორგანიზატორები და პარტნიორები არიან: USAID-ის ძლიერი სოფლის პროგრამა, საქართველოს მეცხენეობის, დისტანციური დოღის და საცხენოსნო ტურიზმის ფედერაცია, ლოსთ რიჯის რანჩო, სიდრის კლუბი ბაზალეთი, საბადური ჰორსბექტურსი, ლივინგ რუთს თრეველი, ცნობილი მსაჯები და ვეტერინარები გერმანიიდან.
დოღში მონაწილეობდნენ მხედრები საქართველოს სხვადასხვა კუთხიდან და არაბთა გაერთიანებული საამიროებიდან.
ენდურანს-დოღი ხელს შეუწყობს ცხენოსნობის, სათავგადასავლო და საცხენოსნო ტურიზმის პოპულარიზაციას.
