დუშეთის მუნიციპალიტეტის მერი კახაბერ ჩიტაური, მცხეთა-მთიანეთის მხარის დელეგატთან დიმიტრი ხუნდაძესთან, მერის წარმომადგენელთან ქ. დუშეთის ადმინისტრაციულ ერთეულში შალვა ინაშვილთან, მუნიციპალიტეტის საკრებულოს თავმჯდომარის მოადგილეებთან - გიორგი ასლამაზიშვილთან, გვანცა ესტატიშვილთან და ადგილობრივი ხელისუფლების სხვა წარმომადგენლებთან ერთად, მუნიციპალიტეტში მცხოვრებ  მრავალშვილიან დედებს ესტუმრა და დედის დღე მიულოცა.

„მრავალშვილიანი დედების ღვაწლი  განუსაზღვრელია ქვეყნის წინაშე. მინდა,მადლიერება გამოვხატო მათ მიმართ. თქვენ ხართ გმირი დედები, რადგან ამდენ მამულიშვილს უზრდით ქვეყანას,“ -  განაცხადა კახაბერ ჩიტაურმა. დღესასწაულთან დაკავშირებით, დუშეთის მუნიციპალიტეტის მასშტაბით მცხოვრებ 110 მრავალშვილიან დედას, რომლებსაც 4 და მეტი შვილი ჰყავს, საჩუქრად ყვავილები და სასურსათე ნობათი გადაეცათ.

გაცნობებთ, რომ შპს „საქართველოს გაერთიანებული წყალმომარაგების კომპანია“ დაფარვის არეალში, წყალმომარაგებისა და წყალარინების ქსელით სარგებლობის ხელმისაწვდომობის გაზრდის მიზნით, საქართველოს მოსახლეობას სთავაზობს, სემეკის 2008 წლის 26 ნოემბრის „სასმელი წყლის მიწოდებისა და მოხმარების წესების დამტკიცების შესახებ“ N32 დადგენილებით დამტკიცებული, „ახალი მომხმარებლის წყალმომარაგების სისტემაზე მიერთების საფასური“ გადაუწილვადოს და გადახდის შესაძლებლობა მისცეს 5 წლის ვადით.

საერთო კრებებს დაბა ფასანაურსა და სოფელ ჩოხში დუშეთის მუნიციპალიტეტის მერი კახაბერ ჩიტაური, მოადგილეებთან - ბესიკ ბიჩნიგაურთან, ვასილ წიკლაურთან, თამაზ ფოლოდაშვილთან, მცხეთა-მთიანეთის სახელმწიფო რწმუნებულის მოადგილესთან, თეიმურაზ ბექაურთან და ადგილობრივი თვითმმართველობის სხვა წარმომადგენლებთან ერთად დაესწრო.

შეხვედრებზე მოსახლეობამ ხმათა უმრავლესობით შეარჩია პრიორიტეტული პროექტები, რომლებიც „სოფლის მხარდაჭერის პროგრამის“ ფარგლებში გამოყოფილი თანხით დაფინანსდება. დუშეთის მუნიციპალიტეტში, "სოფლის მხარდაჭერის პროგრამის" ფარგლებში შეხვედრები ჯამში 270 დასახლების მოსახლეობისათვის გაიმართა.