ღონისძიებას დუშეთის მუნიციპალიტეტის მერი კახაბერ ჩიტაური, საკრებულოს თავმჯდომარე ნუკრი უნდილაშვილთან, მცხეთა-მთიანეთის მხარის დელეგატ დიმიტრი ხუნდაძესთან, სახელმწიფო რწმუნებულის პირველ მოადგილესთან, ჯონი ბერუაშვილთან და ადგილობრივი თვითმმართველობის წარმომადგენლებთან ერთად დაესწრო.

სადღესასწაულო პროგრამის ფარგლებში, ქალაქ დუშეთის ცენტრალურ მოედანსა და მიმდებარე ტერიტორიაზე მრავალფეროვანი აქტივობები ჩატარდა. მოეწყო საბავშვო სივრცეები და ეთნოგრაფიული კუთხეები; ასევე, გაიმართა ადგილობრივი პროდუქციის გამოფენა-გაყიდვა, ქართული საბრძოლო ხელოვნების ჩვენება და კონცერტები ადგილობრივი და მოწვეული შემსრულებლების მონაწილეობით.

ღონისძიებაზე კახაბერ ჩიტაურმა ქალაქ დუშეთის საპატიო მოქალაქის წოდება მიანიჭა და სპეციალური ჯილდო გადასცა რვა მოქალაქეს.

დაჯილდოვდნენ:

მაია მანია - არქიტექტორი, ისტორიკოსი, ხელოვნებათმცოდნე. გამოცემული აქვს წიგნ დუშეთის ურბანული და არქიტექტურული მემკვიდრეობა;

ტარიელ ხარხელაური - პოეტი; ელენე პატაშური და შალვა ბექაური - დამსახურებული პედაგოგები;

აკაკი სანაშვილი - ექიმი;

მირიან ფხალაძე - დუშეთის მუნიციპალიტეტის საკრებულოს აპარატის ხელმძღვანელი, დუშეთის მკვიდრი;

ნუგზარ (დავით) ქავთარაძე - მუსიკოსი, ანსამბლ „ქალილოს“ ხელმძღვანელი;

ლამარა (ციცი) მასურაშვილი - დამსახურებული პედაგოგი, დუშეთის სახელოვნებო სკოლის დირექტორი;

"გილოცავთ ყველას დღევანდელ დღეს! დუშეთი არის მასპინძელი იმ სახალხო დღესასწაულისა, რომელიც ჩვენი მუნიციპალიტეტის სხვადასხვა კუთხეს აერთიანებს. სწორედ ამიტომ არის ეს დღე განსაკუთრებული. მინდა, მადლობა გითხრათ ყველას, ვინც აქ მობრძანდით: სტუმარს, კონცერტის მონაწილეს, ოსტატს, მეწარმეს, ხელოვანსა თუ ხელოსანს, მათ, ვინც დღეს ქალაქ დუშეთში შექმნა ის საზეიმო განწყობა, რომელიც დარწმუნებული ვარ, ჩვენთვის დაუვიწყარ ემოციად დარჩება." - განაცხადა კახაბერ ჩიტაურმა.

ღონისძიებას, ასევე, ესწრებოდნენ დუშეთის მუნიციპალიტეტის მერის პირველი მოადგილე ვასილ წიკლაური, მოადგილეები: ბესიკ ბიჩნიგაური, თამაზ ფოლოდაშვილი, საკრებულოს თავმჯდომარის პირველი მოადგილე გიორგი ასლამაზიშვილი, მოადგილე გვანცა ესტატიშვილი და მერის წარმომადგენელი ქალაქ დუშეთში შალვა ინაშვილი.

2008 წლის რუსეთ-საქართველოს ომის მე-18 წლისთავთან დაკავშირებით, დუშეთის მუნიციპალიტეტის მერმა კახაბერ ჩიტაურმა, მცხეთა-მთიანეთის მხარის დელეგატთან, დიმიტრი ხუნდაძესთან და მუნიციპალიტეტის საკრებულოს თავმჯდომარესთან, ნუკრი უნდილაშვილთან ერთად, საქართველოს ტერიტორიული მთლიანობისა და თავისუფლებისთვის დაღუპულ გმირთა ხსოვნას პატივი მიაგო და მემორიალი ყვავილებით შეამკო.

„ქედს ვიხრი იმ მებრძოლების წინაშე, რომლებმაც საკუთარი სიცოცხლე სამშობლოს შესწირეს. ვუსამძიმრებთ დაღუპულთა ოჯახებსა და სრულიად საქართველოს. გმირების ხსოვნა მარადიულია,” - განაცხადა კახაბერ ჩიტაურმა.

დაღუპულთა ხსოვნას პატივი, აგრეთვე, მიაგეს დუშეთის მუნიციპალიტეტის მერის მოადგილემ, ბესიკ ბიჩნიგაურმა, საკრებულოს თავმჯდომარის პირველმა მოადგილემ, გიორგი ასლამაზიშვილმა, მერის წარმომადგენელმა ქალაქ დუშეთში შალვა ინაშვილმა, ვეტერანების საქმეთა სახელმწიფო სამსახურის თანამშრომლებმა, ადგილობრივებმა და თვითმმართველობის წარმომადგენლებმა.

20 აგვისტოს, 20:00 საათზე, ქალაქ დუშეთის ცენტრალურ მოედანზე, საქართველოს კულტურის სამინისტროს მხარდაჭერითა და შემოქმედებითი საქართველოს ორგანიზებით, მუსიკალური ღონისძიება – „ზაფხულის დღეები 2026“ გაიმართება.

ღონისძიებაში მონაწილეობას მიიღებენ - რუსა მორჩილაძე, ჯემალ სეფიაშვილი, ცისანა სეფიაშვილი, ანა უზნაძე, დუეტი "ლეონი", ტრიო "აპრილია", "ირიაო", ლინდა ადამია და 1/4. წამყვანი - გიორგი დიასამიძე.

დასწრება თავისუფალია!

ქალაქ დუშეთის ილია ზაქაიძის კულტურის სახლში წილკნისა და დუშეთის მიტროპოლიტ ზოსიმეს 75 წლის იუბილესთან დაკავშირებული ღონისძიება გაიმართა.

ღონისძიებას დუშეთის მუნიციპალიტეტის მერი კახაბერ ჩიტაური საკრებულოს თავმჯდომარესთან - ნუკრი უნდილაშვილთან და საკრებულოს თავჯდომარის მოადგილესთან ლევან შერმადინთან ერთად დაესწრო.

კახაბერ ჩიტაურმა მღვდელმთავარს საიუბილეო თარიღი მიულოცა და ეპარქიაში მრავალწლიანი მოღვაწეობისა და საეკლესიო აღმშენებლობისათვის მადლობა გადაუხადა.

საიუბილეო ღონისძიებას ასევე ესწრებოდნენ: ეპარქიის სასულიერო პირები, ადგილობრივი ხელისუფლებისა და საზოგადოების სხვა წარმომადგენლები