• მთავარი
  • მუნიციპალიტეტი
  • მერია
  • საკრებულო
  • აქტები
  • საჯარო ინფორმაცია
  • კონტაქტი
  • KA EN
    29
    აპრილი

    სააღდგომო ნობათი

    დუშეთის მუნიციპალიტეტის მერი ზურაბ სეხნიაშვილი და საკრებულოს სოციალურ საკითხთა კომისიის თავმჯდომარე გიორგი ასლამაზიშვილი დუშეთის ა(ა)იპ „უფასო სასადილო მზრუნველობამოკლებულთათვის“ ბენეფიციარებს ესტუმრნენ.

    ადგილობრივი ხელისუფლების წარმომადგენლებმა მათ დამდეგი აღდგომის ბრწყინვალე დღესასწაული მიულოცეს და სააღდგომო ნობათი გადასცეს.

    „ჩვენთვის მნიშვნელოვანია, რომ ჩვენი ბენეფიციარების დახმარება რეალურად ქმედითი იყოს, მაქსიმალურად ვცდილობთ გვერდში დავუდგეთ და დახმარება გავუწიოთ და იმედი მაქვს დღეს მათთვის მცირედი სადღესასწაულო განწყობაც შევქმენით“ - განაცხადა დუშეთის მუნიციპალიტეტის მერმა ზურაბ სეხნიაშვილმა.

    26
    აპრილი

    უწყებათაშორისი საკოორდინაციო საბჭოს გადაწყვეტილება

    3-12 მაისის ჩათვლით, საქართველოს მასშტაბით, მუნიციპალური ტრანსპორტი არ იმოძრავებს; სადღესასწაულო დღეებში კი სასაფლაოებზე გასვლა შეიზღუდება, - აღნიშნული გადაწყვეტილებები უწყებათაშორისმა საკოორდინაციო საბჭომ დღევანდელ სხდომაზე მიიღო, რომელიც პრემიერ-მინისტრ ირაკლი ღარიბაშვილის ხელმძღვანელობით, მთავრობის ადმინისტრაციაში გაიმართა. საბჭომ განიხილა ინფიცირების შემთხვევების ზრდის დინამიკა, როგორც მთელს მსოფლიოში, ისე - საქართველოში. აღინიშნა, რომ ინფიცირების შემთხვევებთან ერთად, მზარდია ჰოსპიტალიზაციის მაჩვენებელი. აქედან გამომდინარე, პრემიერ-მინისტრის დავალებით, ჯანდაცვის სამინისტრომ შეიმუშავა გეგმა, როგორც დამატებითი საწოლფონდის მობილიზების, ისე მედიკამენტების, ჟანგბადის თუ ტესტების მარაგების მართვის კუთხით და აღინიშნა, რომ ყველაზე ცუდი სცენარისთვისაც კი სისტემა მზად არის, ვითარება კონტროლს ექვემდებარება და მთავრობა სრულად მართავს პროცესს. უწყებათაშორისი საკოორდინაციო საბჭოს გადაწყვეტილებით, არსებული ეპიდვითარების გათვალისწინებით, მთავრობის დადგენილებით განსაზღვრული ჯგუფების ტესტირება, მაისის განმავლობაშიც სახელმწიფო დაფინანსებით გაგრძელდება; რაც შეეხება მოახლოებულ აღდგომის დღესასწაულს, საქართველოს საპატრიარქოსთან კომუნიკაციის შედეგად, სადღესასწაულო ლიტურგია ტაძრებში ეპიდემიოლოგიური უსაფრთხოების ნორმების მაქსიმალური დაცვით ჩატარდება; მათ შორის, ტაძრებში უზრუნველყოფილი იქნება გახმოვანების სისტემა, დაცული იქნება სოციალური დისტანცია და პირბადის მოხმარების წესი; ამასთან, გამონაკლისის სახით, სააღდგომო ლიტურგიასთან დაკავშირებით, გადაადგილებაზე დაწესებული შეზღუდვა, მხოლოდ ერთი ღამით, იმოქმედებს 1 მაისის 23:00 საათიდან 2 მაისის 04:00 საათამდე; უწყებათაშორისი საკოორდინაციო საბჭოს გადაწყვეტილებით, სადღესასწაულო დღეებში სასაფლაოებზე გასვლა შეიზღუდება; ჩაიკეტება სასაფლაოებთან მისასვლელი გზები; როგორც ცნობილია, 4-11 მაისი საქართველოში გამოცხადებულია უქმე დღეებად, რაც მობილობის შემცირებას ისახავს მიზნად. საკოორდინაციო საბჭოს გადაწყვეტილებით, 3-დან 12 მაისის ჩათვლით, შეიზღუდება მუნიციპალური ტრანსპორტის მოძრაობა; პარალელურად, ვაქცინაციის ეროვნული გეგმის შესაბამისად, აქტიურად გაგრძელდება ვაქცინაციის პროცესი. იმუნიზაციის მსოფლიო კვირეულთან დაკავშირებით, მიმდინარე კვირიდან ვაქცინაციის პროცესში ჩაერთვებიან საქართველოს მთავრობისა და პარლამენტის წევრები; შესაბამისი უწყებების მხრიდან კვლავ გრძელდება ქვეყანაში დაწესებული შეზღუდვების აღსრულების მკაცრი კონტროლი; უწყებათაშორისი საკოორდინაციო საბჭო განაგრძობს არსებულ ეპიდემიოლოგიურ ტენდენციებზე დაკვირვებას და შემდგომ გადაწყვეტილებებს ვითარების დეტალური ანალიზის შედეგად მიიღებს. საქართველოში კორონავირუსის პირველი შემთხვევის გამოვლენიდან დღემდე, ვირუსით ინფიცირების 304 272 ლაბორატორიულად დადასტურებული შემთხვევა გამოვლინდა, საიდანაც 287 029 პირი გამოჯანმრთელდა, გარდაცვლილია 4 043 ადამიანი. ამ ეტაპზე კარანტინში იმყოფება 227 ადამიანი, კლინიკურ სასტუმროებში - 727 მოქალაქე, ხოლო სტაციონარში, მეთვალყურეობის ქვეშ - 3676 პირი. პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი და პრეზიდენტის ადმინისტრაცია.

    23
    აპრილი

    დედამიწის დღე

    🌎 22 აპრილს, დედამიწის დღესთან დაკავშირებით, დუშეთის მუნიციპალიტეტში დასუფთავების აქცია გაიმართა.

    🌳 დუშეთის მუნიციპალიტეტის მერიისა და ა(ა)იპ „დუშეთის კეთილმოწყობის სამსახურის“ თანამშრომლებმა ბაზალეთის ტბის მიმდებარე ტერიტორია დაასუფთავერს.

    🚮 🌏 დედამიწის დღე ყოველწლიური ღონისძიებაა, რომელიც აღინიშნება 22 აპრილს, 193-ზე მეტ ქვეყანაში. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს.

    🌏საქართველოში 22 აპრილი აღინიშნება 1990 წლიდან „საქართველოს მწვანეთა მოძრაობა/დედამიწის მეგობრები-საქართველოს“ 🌿 ინიციატივით.

    31
    იანვარი

    შეხვედრა მოსახლეობასთან

    მცხეთა-მთიანეთის რეგიონის სახელმწიფო რწმუნებული დავით ნოზაძე, რწმუნებულის მოადგილე მანანა ნარიმანიძე, დუშეთის მუნიციპალიტეტის მერი ზურაბ სეხნიაშვილი და მუნიციპალიტეტის საკრებულოს თავმჯდომარის მოადგილე კახა ჩიტაური სოფელ მენესოს და ჭართალის მოსახლეობას შეხვდნენ.

    მხარის პირველმა პირმა ადგილობრივებისგან მენესოში და ჭართალში ბოლო წლებში განხორციელებული პროექტების და არსებული საჭიროებების შესახებ ინფორმაცია მოისმინა.

    რწმუნებულმა ჭართალში ყოფნის დროს სოფლის საბავშვო ბაღი და საჯარო სკოლა დაათვალიერა. საგანმანათლებლო დაწესებულებებს სარეაბილიტაციო სამუშაოები ცოტა ხნის წინ ჩაუტარდა.

     

    24
    მარტი

    24 მარტს, 17:00 სთ-ზე, მერიის სხდომათა დარბაზში გაიმართება შეხვედრა ახალგაზრდული პროექტების შესახებ