ძლიერი თოვისა და რთული მეტეოროლოგიური პირობების გამო, დუშეთის მუნიციპალიტეტის საავტომობილო გზებზე გაწმენდითი სამუშაოები კვლავ ინტენსიურ რეჟიმში მიმდინარეობს, იყრება ქვიშა-მარილის ნარევი და ტარდება ყველა აუცილებელი ღონისძიება ავტოტრანსპორტის განვლადობის შენარჩუნებისათვის. მათ შორის იწმინდება სოფლის შიდა საუბნო გზები.

დუშეთის მუნიციპალიტეტის მასშტაბით, აღნიშნულ პროცესში ჩართულია ყველა შესაბამისი უწყება ტექნიკური თუ ადამიანური რესურსით, რათა მოქალაქეებმა დროულად და უსაფრთხოდ შეძლონ გადაადგილება.

პროცესში პირადად არის ჩართული და მონიტორინგს ახორციელებს დუშეთის მუნიციპალიტეტის მერი მაცაცო ნარიმანიძე.