დუშეთის მუნიციპალიტეტის მერიისა და საკრებულოს ორგანიზებით, "ჰემატოლოგიისა და ტრანსფუზიოლოგიის ინსტიტუტის სისხლის ბანკმა" დუშეთის მუნიციპალიტეტში სისხლის უანგარო დონაციის აქცია გამართა.

აქციაში ადგილობრივ მოხალისეებთან ერთად მონაწილეობა მიიღეს დუშეთის მუნიციპალიტეტის მერმა მაცაცო ნარიმანიძემ, საკრებულოს სოციალურ საკითხთა კომისიის თავმჯდომარემ გიორგი ასლამაზიშვილმა, მერიისა და საკრებულოს თანამშრომლებმა.

სისხლის უანგარო 80 დონორს სიმბოლურად მადლობის სიგელი გადაეცა.

აღსანიშნავია, რომ გაღებული სისხლი განაწილდება საქართველოს მასშტაბით არსებულ კლინიკებში, რომელსაც გადაუდებელი შემთხვევებისთვის გამოიყენებენ.

#გაიღესისხლიგადაარჩინესიცოცხლე