თავისუფალმა თეატრმა დუშეთის კულტურის სახლის სცენაზე ორ-მოქმედებიანი კომედია „ღმერთო დაგვიფარე ჩვენ და ადამიანები“ წარადგინა.

პიესის მიხედვით, რომლის ავტორი და რეჟისორიც ავთო ვარსიმაშვილია, ხოლო მხატვარი - მირიან შველიძე, ადამიანებს უჭირთ ცხოვრებისეულ სიტუაციებში გარკვევა და მათ ცხოველები ეხმარებიან.

წარმოდგენას დუშეთის კულტურის სახლში მცხეთა-მთიანეთის სახელმწიფო რწმუნებულის მოადგილე გოჩა ქავთარაძე, სამხარეო ადმინისტრაციის წარმომადგენელი თემურ მაღრაძე და დუშეთის მუნიციპალიტეტის მერი მაცაცო ნარიმანიძე, შეკრებილ საზოგადოებასთან ერთად ესწრებოდნენ.

აღსანიშნავია, რომ ღონისძიებაზე დასწრება ყველა მსურველისათვის თავისუფალი იყო.