სექტემბერი
მუნიციპალიტეტში ინფრასტრუქტურული პროექტების მიმდინარეობასთან დაკავშირებით, დუშეთის მუნიციპალიტეტის მერმა მაცაცო ნარიმანიძემ პირველ მოადგილესთან ვასილ წიკლაურთან ერთად ყოველკვირეული სამუშაო შეხვედრა გამართა.
შეხვედრაზე რეგიონალურ საზედამხედველო შპს “მშენ-ექსპერტის“ წარმომადგენლებთან, კონტრაქტორი კომპანიების თანამშრომლებთან და მერიის შესაბამისი სამსახურების ხელმძღვანელებთან მხარეებმა დეტალურად განიხილეს მუნიციპალიტეტში განსახორციელებელი ინფრასტრუქტურული პროექტები. ასევე, შეაფასეს მიმდინარე სამუშაოების პროცესი.
"მუნიციპალიტეტში, ინფრასტრუქტურის განვითარების მიმართულებით, სამუშაოები აქტიურ რეჟიმში გრძელდება და ჩვენი მიზანია თითოეული პროექტი დროულად დასრულდეს ." - განაცხადა მაცაცო ნარიმანიძემ.
მსგავსი ტიპის შეხვედრები, დუშეთის მუნიციპალიტეტის მერიაში, პროექტების მონიტორინგისა და სამუშაოების ხარისხის შემოწმების მიზნით, ყოველკვირეულად იმართება.
