მუნიციპალიტეტში მიმდინარე ინფრასტუქტურულ სამუშაოებთან დაკავშირებით, დუშეთის მუნიციპალიტეტის მერმა მაცაცო ნარიმანიძემ და მერის მოადგილეებმა ვასილ წიკლაურმა და ოთარ ჩხეიძემ, კონტრაქტორი კომპანიების და რეგიონული სამშენებლო საზედამხედველო შპს "მშენ-ექსპერტის" წარმომადგენლებთან, ყოველკვირეული სამუშაო შეხვედრა გამართეს.

შეხვედრაზე მერიის შესაბამის სამსახურის ხელმძღვანელებთან ერთად დეტალურად განიხილეს მუნიციპალიტეტში განსახორციელებელი ინფრასტრუქტურული პროექტები.

ასევე, შეფასდა მიმდინარე სამუშაოები და განხილულ იქნა მონიტორინგის შედეგები.

"მუნიციპალიტეტში, მომხდარი სტიქიის გამო, ზოგიერთი პროექტის მიმდინარეობა დროში შეფერხდა, თუმცა ჩვენი მიზანია, ისინი უახლოეს მომავალში დასრულდეს." - განაცხადა მაცაცო ნარიმანიძემ.

მსგავსი ტიპის შეხვედრები, დუშეთის მუნიციპალიტეტის მერიაში, პროექტების მონიტორინგისა და სამუშაოების ხარისხის შემოწმების მიზნით, ყოველკვირეულად იმართება.