14 ივნისს საქართველოში შშმ პირთა უფლებების დაცვის დღე აღინიშნება, რომლის მიზანიც შეზღუდული შესაძლებლობების მქონე ადამიანების სოციალური იზოლაციის დაძლევა და მათი რეალური შესაძლებლობების წარმოჩენაა.

თარიღთან დაკავშირებით, დუშეთის მუნიციპალიტეტის მერის ახალგაზრდულ მრჩეველთა საბჭოს წევრები, საკრებულოს სოციალურ საკითხთა კომისიის თავმჯდომარე გიორგი ასლამაზიშვილი და ორგანიზაცია "წითელი ჯვრის" დუშეთის ფილიალის წარმომადგენლები შშმ პირთა პანსიონატში იმყოფებოდნენ.

მათ ბენეფიციარებს დღევანდელი დღე მიულოცეს და ისაუბრეს შშმ პირთა უფლებების დაცვის შესახებ.

ცნობისათვის, 14 ივნისი საქართველოში შეზღუდულ შესაძლებლობების მქონე პირთა უფლებების დაცვის დღედ, საქართველოს პარლამენტის მიერ, 2000 წელს გამოცხადდა.