ინტენსიური თოვის გამო შექმნილი პრობლემების აღმოსაფხვრელად დუშეთის მუნიციპალიტეტში შესაბამისი ღონისძიებები ტარდება.

ამ ეტაპზე მიმდინარეობს ცენტრალური გზების გაწმენდითი სამუშაოები დაბა ფასანაურის, ფშავისა და ხევსურეთის ადმინისტრაციულ ერთეულებში.

ზვავსაშიშროების საფრთხის მაღალი დონის გამო, ყველა სახის ავტოტრანსპორტის მოძრაობა აკრძალულია საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის მლეთა-გუდაური(ფოსტა)–კობის მონაკვეთზე.

„აქტიური კომუნიკაცია გვაქვს მოსახლეობასთან. შესაბამისი სამუშაოები გაგრძელდება იქამდე, სანამ არ აღმოიფხვრება შექმნილი პრობლემები“ - განაცხადა დუშეთის მუნიციპალიტეტის მერმა მაცაცო ნარიმანიძემ.

დუშეთის მუნიციპალიტეტის მერმა მაცაცო ნარიმანიძემ, მოადგილე ოთარ ჩხეიძესთან, მერიის შესაბამისი სამსახურის ხელმძღვანელებთან და ადმინისტრაციულ ერთეულებში მერის წარმომადგენლებთან ერთად, სამუშაო შეხვედრა გამართა.

შეხვედრაზე დეტალურად განიხილეს თითოეულ ადმინისტრაციულ ერთეულში 2025 წლის სოფლის მხარდაჭერის პროგრამის ფარგლებში განსახორციელებელი პროექტები.

როგორც შეხვედრაზე მერმა აღნიშნა, დუშეთის მუნიციპალიტეტის დასახლებებისათვის

სოფლის მხარდაჭერის პროგრამის ფარგლებში გამოყოფილი თანხა მოსახლეობის მიერ შერჩეულ პრიორიტეტებზე დაიხარჯება. ადგილობრივებმა პროგრამით გათვალისწინებული თანხის გამოყენება ყველაზე მნიშვნელოვანი პრობლემების მოსაგვარებლად გადაწყვიტეს.

მუნიციპალიტეტის მერმა მერის წარმომადგენლებს მოუწოდა კოორდინირებული და აქტიური მუშაობისკენ.

არაგვის დაცული ლანდშაფტის გაფართოებასთან დაკავშირებით, სოფელ ვაშლობში მოსახლეობასთან საინფორმაციო შეხვედრა გაიმართა.

არაგვის დაცული ლანდშაფტი შეიქმნა 2021 წელს, რომელიც მოიცავს 99 802 ჰექტარზე არსებული ღირებული ჰაბიტატებით მდიდარ ტერიტორიას.

არაგვის დაცული ლანდშაფტი კავკასიონის სამხრეთ ფერდობებზე მდებარეობს და მიეკუთვნება ფშავის, გუდამაყრის, პირაქეთა ხევსურეთისა და პირიქითა ხევსურეთის ხეობები.

არაგვის დაცული ლანდშაფტის აღნიშნული ხეობის გაფართოების შემთხვევაში, არაგვის დაცულ ლანდშაფტს დაემატება გარკვეული ტერიტორია. ხოლო ა(ა)იპ არაგვის დაცული ლანდშაფტის ადმინისტრაციის თანამშრომლების რაოდენობაც გაიზრდება.

შეხვედრას ესწრებოდნენ დუშეთის მუნიციპალიტეტის მერი მაცაცო ნარიმანიძე, საკრებულოს თავმჯდომარე კახაბერ ჩიტაური, მერის მოადგილე ოთარ ჩხეიძე, გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტის ხელმძღვანელი კარლო ამირგულაშვილი, ა(ა)იპ არაგვის დაცული ლანდშაფტის დირექტორი ნატო წყარუაშვილი და ვაშლობის ხეობის წარმომადგენლები.

სტუდენტთა დაფინანსების პროგრამა გრძელდება

დუშეთის მუნიციპალიტეტის მერიაში 2022 წლიდან მოქმედებს სტუდენტთა დაფინანსების პროგრამა.

საქართველოს სახელმწიფო აკრედიტებული უმაღლესი საგანმანათლებლო დაწესებულებების საბაკალავრო პროგრამების წარჩინებული სტუდენტები, რომლებიც არიან დუშეთის მუნიციპალიტეტში რეგისტრირებულნი, ფინანსდებიან შედეგების მიხედვით, შემდეგი სქემით:

(პ.ა) „B“ შეფასებით - 800 ლარით;

( პ.ბ ) „A“ შეფასებით - 1200 ლარით.

სტუდენტები, რომელთაც გარდაცვლილი ჰყავთ ერთ-ერთი ან ორივე მშობელი, ან რომელიმე მშობელს ჩამორთმეული აქვს მშობლის უფლება ან ფლობს მარტოხელა მშობლის სტატუსს და ამავდროულად მინიჭებული აქვთ 120 000 და ნაკლები სარეიტინგო ქულა, ფინანსდებიან - 1200 ლარის ოდენობით;

2022-2024 წლებში, ჯამში დაფინანსდა 167 სტუდენტი 146 900 ლარით.

შეგახსენებთ, რომ სტუდენტთა დაფინანსების პროგრამა გრძელდება.

დაინტერესებულმა პირმა დუშეთის მუნიციპალიტეტს უნდა მიმართოს გაზაფხულის სემესტრის შეფასებიდან არაუგვიანეს 1-ელი ოქტომბრისა, ხოლო შემოდგომის სემესტრის შეფასებიდან არაუგვიანეს 1-ელი აპრილისა;

გისურვებთ წარმატებას!