დუშეთის მუნიციპალიტეტის მერი კახაბერ ჩიტაური, მოადგილე ბესიკ ბიჩნიგაურთან,  საკრებულოს თავმჯდომარესთან, ნუკრი უნდილაშვილთან და მერიის შესაბამისი სამსახურების თანამშრომლებთან ერთად, ქალაქ დუშეთსა და სოფელ ვარსიმაანთკარში მიმდინარე ინფრასტრუქტურულ პროექტებს გაეცნო.

ქალაქ დუშეთში, კობიაანთ დასახლებაში, მიმდინარეობს შიდა საავტომობილო გზის სარეაბილიტაციო სამუშაოები. პროექტის ფარგლებში, 1300 მეტრამდე სიგრძის გზაზე ეგება ბეტონის  საფარი და კეთდება სანიაღვრე არხები. ბაზალეთის ადმინისტრაციული ერთეულის სოფელ ვარსიმაანთკარში ასფალტის საფარი იგება 1200 მეტრ სიგრძის გზაზე, ასევე, ეწყობა სანიაღვრე არხები.

პროექტები ხორციელდება რეგიონებში განსახორციელებელი პროექტების ფონდისა და დუშეთის მუნიციპალიტეტის  მერიის დაფინანსებით.

დუშეთის მუნიციპალიტეტის მერის  პირველ მოადგილედ - ვასილ წიკლაური, ხოლო მოადგილეებად - ბესიკ ბიჩნიგაური და თამაზ ფოლოდაშვილი დაინიშნენ.

ახლად დანიშნული მოადგილეები დუშეთის მუნიციპალიტეტის მერმა  მერიის თანამშრომლებსა და ადმინისტრაციულ ერთეულებში მერის წარმომადგენლებს  ოფიციალურად წარუდგინა.

კახაბერ ჩიტაურმა თითოეულ მათგანს წარმატებული საქმიანობა უსურვა და მათთან ერთად,  ადმინისტრაციულ ერთეულებში არსებული საჭიროებები განიხილა. შეხვედრაზე, ასევე, განისაზღვრა პრიორიტეტული მიმართულებები. „ჩემს მოადგილეებს აქვთ საჯარო სამსახურში მუშაობის მრავალწლიანი გამოცდილება. დარწმუნებული ვარ,  თითოეული მათგანი ბევრ სიკეთეს მოუტანს დუშეთის მუნიციპალიტეტს,“ - აღნიშნა კახაბერ ჩიტაურმა.

მერის მოადგილეებმა მადლობა გადაუხადეს დამსწრე საზოგადოებას ნდობისთვის და აღნიშნეს, რომ მომავალი ოთხი წელი, ერთობლივი მუშაობის შედეგად, ნაყოფიერი და წარმატებული იქნება

დუშეთის მუნიციპალიტეტის მერი კახაბერ ჩიტაური საქართველოს ადგილობრივი თვითმმართველი ერთეულების ფინანსისტთა ასოციაციის მიერ ორგანიზებულ კონფერენციას დაესწრო

კონფერენციაზე განიხილეს ადგილობრივი თვითმმართველობის საჯარო ფინანსების მართვის გაუმჯობესების საკითხები და იმსჯელეს სხვა ქვეყნების გამოცდილებაზე. ჩატარდა პრეზენტაციები პროგრამული ბიუჯეტირების, ბუღალტერიის, დასუფთავების მოსაკრებლის ელექტრონული პროგრამის, აქტივების მართვის, იჯარით გაცემის, ელექტრონული ინვენტარიზაციისა და ქონების მართვის საკითხებთან დაკავშირებით.

ღონისძიების ფარგლებში, დუშეთის მუნიციპალიტეტს გადაეცა სერტიფიკატი - „წლის საუკეთესო ბიუჯეტი“.

კონფერენციას ესწრებოდნენ დუშეთის მუნიციპალიტეტის მერის მოადგილეები - ვასილ წიკლაური, ბესიკ ბიჩნიგაური, საკრებულოს თავმჯდომარე ნუკრი უნდილაშვილი და მერიისა და საკრებულოს შესაბამისი სამსახურის ხელმძღვანელები.

ელექტრომომარაგების სამუშაოები, ეკონომიკისა და მდგრადი განვითარების სამინისტროს ინიციატივით, სს "ენერგო-პრო ჯორჯიამ" შეასრულა.

ბარისახოს ადმინისტრაციული ერთეულის სოფლებში ახლად მოწყობილი ელექტროგამანაწილებელი ქსელი დუშეთის მუნიციპალიტეტის მერმა, კახაბერ ჩიტაურმა და მცხეთა-მთიანეთის სახელმწიფო რწმუნებულის მოადგილემ, გოჩა ქავთარაძემ, თვითმმართველობის სხვა წარმომადგენლებთან ერთად დაათვალიერეს.

„აღნიშნული სოფლების ელექტროფიცირება საქართველოს პრემიერ-მინისტრის უშუალო ჩართულობით მოხდა. აქ ელექტროენერგია მანამდე არასდროს ყოფილა.

დუშეთის მუნიციპალიტეტის დაახლოებით 70% მაღალმთიანია. ჩვენი გუნდის ერთ-ერთი მთავარი მიზანია, რომ მთას დავუბრუნოთ მთიელი. ეს იქნება ჩვენი ქვეყნის გაძლიერება.“ - განაცხადა კახაბერ ჩიტაურმა.

თვითმმართველობის წარმომადგენლების თქმით, მოსახლეობის ცხოვრების პირობების გასაუმჯობესებლად, ცენტრალურ ხელისუფლებასთან კოორდინირებული მუშაობა ინტენსიურად გაგრძელდება.

„ხელისუფლების ერთ-ერთი პრიორიტეტი მაღალმთიანი დასახლებების განვითარებაა. სოფლების ელექტროფიცირება მნიშვნელოვანი ნაბიჯია სოციალური თვალსაზრისით. ელექტროენერგიის მიწოდება ქმნის ახალ შესაძლებლობებს, ხელს უწყობს სოფლების განვითარებას, მოსახლეობის ადგილზე დამაგრებასა და დაბრუნებას.

ჩვენი მიზანია, მცხეთა-მთიანეთის ყველა სოფელს ჰქონდეს თანაბარი პირობები, როგორც ინფრასტრუქტურის, ისე სოციალური სერვისების ხელმისაწვდომობის თვალსაზრისით. ვიცით, რომ აღნიშნული მიმართულებით გვაქვს გარკვეული გამოწვევები, თუმცა ყველა შესაბამისი უწყების ჩართულობით, აქტიურად ტარდება სათანადო ღონისძიებები.“ - განაცხადა გოჩა ქავთარაძემ.