დუშეთის მუნიციპალიტეტის მერი კახაბერ ჩიტაური დაესწრო საქართველოს დამსახურებული მწვრთნელების, ბესიკ ბუზალაძისა და სოლომონ ფეიქრიშვილის ხსოვნისადმი მიძღვნილ ტურნირს ჭიდაობა-ძიუდოში.

სპორტული შეჯიბრი 2016-2017 წლებში დაბადებულთა შორის, ა(ა)იპ „დუშეთის სასპორტო გაერთიანების“ ორგანიზებით, გაიმართა. ტურნირში მონაწილეობდნენ დუშეთის, ახალგორის, საგურამოსა და წეროვნის გუნდები. მონაწილეები დაჯილდოვდნენ მედლებით, თასებითა და სიგელებით.

ტურნირს ასევე ესწრებოდა დუშეთის მუნიციპალიტეტის მერის მოადგილე თამაზ ფოლოდაშვილი, საკრებულოს თავმჯდომარის მოადგილე, ლევან შერმადინი და ადგილობრივი ხელისუფლების სხვა წარმომადგენლები

დუშეთის მუნიციპალიტეტში, ჟინვალი-ბარისახო-შატილის საავტომობილო გზის მონაკვეთზე, სტიქიის სალიკვიდაციო ღონისძიებები მიმდინარეობს.

მეწყრული პროცესების განვითარების შედეგად არსებულ ვითარებას დუშეთის მუნიციპალიტეტის მერი კახაბერ ჩიტაური, მოადგილესთან ბესიკ ბიჩნიგაურთან, მცხეთა-მთიანეთის სახელმწიფო რწმუნებულთან, ალექსანდრე ზაგაშვილთან და რწმუნებულის მოადგილესთან, თეიმურაზ ბექაურთან ერთად ადგილზე გაეცნო.

საავტომობილო გზების გაწმენდით სამუშაოებს საავტომობილო გზების დეპარტამენტი ახორციელებს. ასევე, ადგილზე "ენერგო-პრო ჯორჯიას" მიერ მიმდინარეობს ელექტროენერგიის აღდგენითი სამუშაოები.

შექმნილ ვითარებასთან დაკავშირებით, უწყებებთან აქტიური კომუნიკაცია აქვს ადგილობრივ ხელისუფლებას.

თვითმმართველობის განცხადებით, შესაბამისი სამსახურები პრობლემების სრულ აღმოფხვრამდე ყველა საჭირო ღონისძიებას უწყვეტ რეჟიმში განახორციელებენ

ძაღლების ჰიპერპოპულაციის მართვის სახელმწიფო პროგრამის ფარგლებში, პატრონიან ძუ ძაღლებს უტარდებათ სტერილიზაცია, ცოფის საწინააღმდეგო ვაქცინაცია, ჩიპირება და ერთიან ბაზაში რეგისტრაცია.

პროგრამა მოიცავს მიუსაფარ ძაღლებსაც, რომლებსაც უტარდებათ ცოფის საწინააღმდეგო ვაქცინაცია, იდენტიფიკაცია/რეგისტრაცია და კასტრაცია/სტერილიზაცია.

პატრონიანი ძაღლების ვეტერინარულ მომსახურებას ტენდერში გამარჯვებული კომპანია უზრუნველყოფს.

პროგრამის ფარგლებში, მოსახლეობის მოთხოვნიდან გამომდინარე, მსგავსი ტიპის ღონისძიება ჩატარდება დუშეთის მუნიციპალიტეტის სხვადასხვა ლოკაციაზე.

დამატებითი ინფორმაციისთვის დარეკეთ - 577 11 53 36

დუშეთის მუნიციპალიტეტის მერმა კახაბერ ჩიტაურმა, დაცული ლანდშაფტის ეფექტურ მართვასთან დაკავშირებით, სამუშაო შეხვედრა გამართა.

შეხვედრაზე მუნიციპალიტეტის მერმა, გარემოს დაცვისა და სოფლის მეურნეობის სამინისტროს ბიომრავალფეროვნების პოლიტიკის დეპარტამენტის, სსიპ დაცული ტერიტორიების სააგენტოს, სსიპ კულტურული მემკვიდრეობის დაცვის ეროვნული სააგენტოსა და კავკასიის ბუნების ფონდი - CNF-ის წარმომადგენლებთან ერთად,

განიხილა დაცული ლანდშაფტის მართვის პროცესში არსებული მიღწევები და გამოწვევები.

საუბარი შეეხო ლანდშაფტის ეფექტურ მართვასა და კოორდინირებული მუშაობის საჭიროებას.

შეხვედრას ასევე ესწრებოდნენ, დუშეთის მუნიციპალიტეტის მერის მოადგილე თამაზ ფოლოდაშვილი, ა(ა)იპ “არაგვის დაცული ლანდშაფტის ადმინისტრაციის“ ხელმძღვანელი ნატო წყარუაშვილი და ადგილობრივი ხელისუფლების სხვა წარმომადგენლები