დასრულებული სამუშაოები დუშეთის მუნიციპალიტეტის მერმა კახაბერ ჩიტაურმა, მოადგილეებთან - ბესიკ ბიჩნიგაურთან, თამაზ ფოლოდაშვილთან, მუნიციპალიტეტის საკრებულოს თავმჯდომარესთან, ნუკრი უნდილაშვილთან და მცხეთა-მთიანეთის სახელმწიფო რწმუნებულის მოადგილესთან, თეიმურაზ ბექაურთან ერთად დაათვალიერა.

პროექტის ფარგლებში განხორციელდა  არაგვისპირის საჯარო სკოლის მინი სტადიონის შემოღობვისა და სკამების დამონტაჟების სამუშაოები, ასევე შეიცვალა ხელოვნური საფარი. "ჩვენთვის პრიორიტეტს წარმოადგენს ახალგაზრდა თაობა და მისი ჯანსაღი მომავლისათვის შესაბამისი გარემოს შექმნა.

ამ მიზნით, მუნიციპალიტეტის მასშტაბით, განხორციელდა სპორტული ინფრასტრუქტურის მოწყობა.“ - განაცხადა დუშეთის მუნიციპალიტეტის მერმა, კახაბერ ჩიტაურმა. სარეაბილიტაციო სამუშაოების სახელშეკრულებო ღირებულებამ 41 000 ლარზე მეტი შეადგინა.

დუშეთის მუნიციპალიტეტის მერი კახაბერ ჩიტაური, მერის მოადგილე ბესიკ ბიჩნიგაური  და მცხეთა-მთიანეთის სახელმწიფო რწმუნებულის მოადგილე თეიმურაზ ბექაური, კომპანია „ნიადაგის“ წარმომადგენელთან ერთად, გუდამაყრის ადმინისტრაციულ ერთეულში იმყოფებოდნენ.

ხელისუფლებისა და კერძო სექტორის წარმომადგენლები სოფელ ზანდუკის საჯარო სკოლას ესტუმრნენ და ადგილზე არსებულ საგანმანათლებლო გარემოს გაეცნენ. ასევე, მოსწავლეებს, მათი მხარდაჭერისა და წახალისების მიზნით, კომპანიის წარმომადგენელმა სიმბოლური საჩუქრები გადასცა.

შეხვედრის დასასრულს აღინიშნა, რომ მსგავსი ინიციატივები ხაზს უსვამს საჯარო და კერძო სექტორებს შორის თანამშრომლობის მნიშვნელობას და ხელს უწყობს ახალგაზრდების მოტივაციის ამაღლებას.

დუშეთის მუნიციპალიტეტის მერიის, მცხეთა-მთიანეთის სახელმწიფო რწმუნებულის ადმინისტრაციისა და მუნიციპალური საზოგადოებრივი ჯანმრთელობის ცენტრის მხარდაჭერით, „დაავადებათა ადრეული გამოვლენისა და სკრინინგის“ სახელმწიფო პროგრამის ფარგლებში, დუშეთის მუნიციპალიტეტში უფასო სკრინინგ-აქცია გაიმართა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით ჩატარებული აქციის ფარგლებში მოსახლეობას ჩაუტარდა: ძუძუს კიბოს სკრინინგი (40-70 წლამდე ქალბატონებისთვის), სკრინინგი B და C ჰეპატიტებზე, აივ ინფექცია/შიდსზე ტესტირება, არტერიული წნევის მონიტორინგი.

გამოკვლევები ეროვნული სკრინინგ ცენტრისა და დაავადებათა კონტროლის ეროვნული ცენტრის მაღალკვალიფიციურმა სპეციალისტებმა თანამედროვე მეთოდებითა და სტანდარტებით განახორციელეს.

სკრინინგ-აქციას ესწრებოდნენ მცხეთა-მთიანეთის მხარის სახელმწიფო რწმუნებულის მოადგილე გოჩა ქავთარაძე და რეგიონული საზოგადოებრივი ჯანმრთელობის ცენტრის ხელმძღვანელი ბადრი კუკულაძე.

შეხვედრისას განიხილეს მომავალში მსგავსი სკრინინგ-აქციების ჩატარების ორგანიზაციული საკითხები. აღინიშნა, რომ მოსახლეობისთვის სამედიცინო სერვისებზე ხელმისაწვდომობის გაზრდის მიზნით, მსგავსი აქციები პერიოდულად გაიმართება, რაც მნიშვნელოვან წვლილს შეიტანს საზოგადოებრივი ჯანმრთელობის გაძლიერებისა და დაავადებათა პრევენციის პროცესში.

მაღალმთიან რეგიონებში არაელექტროფიცირებული ოჯახების მზის ფოტოვოლტური მოდულებითა და დამაგროვებელი ბატარეებით უზრუნველყოფის პროექტთან დაკავშირებით, სამუშაო შეხვედრა გაიმართა.

პროექტს, რომლის თანახმად, მიმდინარე წელს მცხეთა-მთიანეთის რეგიონის 16 სოფელში მზის სისტემები 58 ოჯახისთვის დამონტაჟდება, სს ,,საქართველოს ენერგეტიკის განვითარების ფონდი" განახორციელებს. შეხვედრაზე მხარეებმა განიხილეს პროექტის განხორციელების სამუშაო ეტაპები, დაგეგმილი ღონისძიებები და შემდგომი საორგანიზაციო საკითხები. აღინიშნა, რომ პროექტით გათვალისწინებული სამუშაოების დასრულება მიმდინარე წლის 30 სექტემბრამდე იგეგმება.

აღსანიშნავია, რომ პროექტი მნიშვნელოვანი სოციალური და ინფრასტრუქტურული ინიციატივაა, რომელიც ხელს შეუწყობს მაღალმთიან რეგიონებში მცხოვრები არაელექტროფიცირებული ოჯახების ცხოვრების პირობების გაუმჯობესებასა და დადებით გავლენას მოახდენს რეგიონის განვითარებაზე.

შეხვედრაში მცხეთა-მთიანეთის სახელმწიფო რწმუნებული, ალექსანდრე ზაგაშვილი, დუშეთის მუნიციპალიტეტის მერი, კახაბერ ჩიტაური, სს ,,საქართველოს ენერგეტიკის განვითარების ფონდის” ხელმძღვანელი ვლადიმერ ძნელაძე, პროექტების მართვის დირექტორი თამაზ ახვლედიანი და ფინანსური დირექტორი გიორგი ჩაჩიბაია მონაწილეობდნენ. სამუშაო შეხვედრას ასევე ესწრებოდა ტენდერში გამარჯვებული კომპანია შპს ,,ბაკა” , რომელიც უშუალოდ განახორციელებს აღნიშნულ პროექტს.